Хутка прыйдзе халодная зіма. Цяжка будзе пушкам адшукаць пад снегам корм. Зімовы дзянёк кароткі, каб выжыць, не знікнуць, птушцы неабходна значна больш корму, чым у летнія месяцы.

Многія птушкі зімуюць у нашых краях. Сініцы, дзятлы, чыжы, снегіры, вераб’і, аўсянкі ўзімку пастаянна працуюць, знішчаюць шкодных насякомых – караедаў.

Наш абавязак – дапамагчы птушкам. Так лічаць вучні 5 класа нашай школы. У час восеньскіх канікулаў кожны вучань класа зрабіў кармушку.

Разнастайнымі аказаліся кармушкі, зробленыя з дрэва, кардону і пластыкавых бутэлек, але найбольш удалымі аказаліся “сталоўкі” ў Мішута Максіма, Белановіч Вікторыі, Мішута Вячаслава, Семеш Надзеі, Шурпіка Яўгенія.

Адзін з вучняў нават паслаў на дно кармушкі коўрык, каб птушкам зімой было цяплей. Яўген пафарбаваў кармушку ў яркі колер, які прываблівае да сябе птушак.

З прыходам маразоў дзеці будуць падкармліваць сваіх крылатых сяброў ягадамі рабіны, насеннем гарбуза, сланечніка. Для снегіроў яны падрыхтавалі асобы пачастунак – сырое нясоленае сала.

Навучэнцы ўпэўнены, што пастаянная зімовая падкормка аблегчыць суровыя ўмовы зімоўкі птушак і выратуе іх ад гібелі , а птушкі аддзякуюць дзецям  сваім вясёлым спевам вясной.

                                                                        Ч.Ф. Чарневіч