У рамках праекта  СТЭМ-лабараторыі ”Карабоўшчына сельскагаспадарчая“ ў госці да вучняў завітала намеснік дырэктара па раслінаводству Лукша Таццяна Пятроўна. Яна пазнаёміла хлопчыкаў і дзяўчынак з асноўнымі галінамі раслінаводства ў УП ”Канстанцінаў Двор“. Вялікую цікавасць у вучняў выклікала калекцыя насення зерневых, тэхнічных і кармавых культур, якія вырошчвае гаспадарка.

     Таццяна Пятроўна прадставіла відэарэпартаж з апошнімі навінамі з палёў гаспадаркі, расказала пра ўдарнікаў працы і асаблівасці працы механізатара, пра падрыхтоўку глебы і азімых культур да вясны.

     Госця з задавальненнем адзначыла зацікаўленасць вучняў і іх недзіцячую сур’ёзнасць падчас размовы. Малодшыя школьнікі не толькі ўважліва слухалі, але  задавалі шмат пытанняў.

     Намеснік дырэктара падзялілася сваімі марамі па ўдасканаленні працэсаў вырошчвання сельскагаспадарчых культур.