З 13 па 30 красавіка ў нашай школе прайшла Панарама адкрытых урокаў настаўнікаў вышэйшай катэгорыі.

Ванёнак Валянціна Антонаўна падзялілася вопытам работы ў 1 класе па развіцці пазнавальнай актыўнасці праз актыўныя формы работы на ўроку “Чалавек і свет”.

Цікава і творча прайшлі ўрокі рускай і беларускай літаратур у 10 і 5 класах. Альхімовіч Антаніна Пятроўна прадэманстравала французскія педмайстэрні на апавяданнях А.П.Чэхава “Іоныч” і “Чалавек у футляры”.

Свае творчыя здольнасці і актыўнасць паказалі вучні 5 класа на ўроку Кабылінскай Іны Аляксееўны. Вобраз Бурыка (У.Караткевіч “Былі ў мяне мядзведзі”) захапіў вучняў. Дзеці паказалі  трывалыя веды па творы і свой кругагляд па жывёльнаму свету Беларусі.

Выкарыстанне тэхналогіі крытычнага мыслення прадэманстравала Чаронка Лілія Ануфрыеўна на прыкладзе тэмы “Праблемы суіснавання і ўзаемадзеяння краін і народаў” па грамадазнаўстве ў 11 класе. Вучні не толькі выказвалі свае меркаванні, а таксама падрыхтавалі   прэзентацыі па зададзенай праблеме.

Вельмі эмацыянальна прайшоў урок  Чарневіч Чаславы  Фадзееўны ў 6 класе. Настаўнік працяглы час працуе над метадам актыўнай ацэнкі. Урок “Паверхневыя воды. Рака і яе часткі”  паказаў працу класа ў гэтым накірунку. Дзеці з задавальненнем выконвалі заданні на картках, наносілі на малюнак патрэбныя абазначэнні, актыўна працавалі з картай.