Мінулы тыдзень для вучняў і настаўнікаў школы быў напоўнены асаблівай узнёсласцю: набліжалася ўрачыстая дата – 9 мая…Дзень Перамогі…70-годдзе Перамогі савецкага народа на нямецка-фашысцкімі захопнікамі.

Зразумела, што напярэдадні гэтай даты была праведзена вялікая падрыхтоўчая работа: аперацыя “Абеліск”, акцыі “Ветэран жыве побач”, “Мой падарунак ветэрану”, “Ліст да пераможцы” і інш.

Вучні 4-11 класаў прынялі актыўны ўдзел у рэспубліканскім фестывалі-конкурсе “Вянок славы”.

7 мая ва ўрачыстай абстаноўцы былі ўскладзены вянкі і кветкі на магілы невядомых салдат у вёсках Жураўнёва, Белевічы, Гулідава; да помнікаў загінуўшым землякам у вёсках Карабы ІІ і Зарубіна; да помніка сям’і Счасных у весцы Гінькі.

8 мая адбыўся мітынг каля стэлы загінуўшым салдатам – землякам. Словы падзякі ў адрас салдатаў-вызваліцеляў за мірнае неба над галавой гучалі ад кіраўніцтва Глыбоцкага раённага выканаўчага камітэта, Карабоўскага сельскага выканаўчага камітэта, ААТ "Канстанцінаў Двор", святара.  Дырэктар установы адукацыі Бародзіч Святлана Яўгенаўна  выказала ўпэўненасць, што і вучні, і настаўнікі нашай школы заўсёды будуць з павагай ставіцца да подзвігу савецкага народа і перадаваць гэта пачуццё з пакалення ў пакаленне.

Ва ўстанове адукацыі стала ўжо добрай традыцыяй на мітынгу да Дня Перамогі прымаць вучняў 4 класа ў члены Беларускай рэспубліканскай піянерскай арганізацыі. Так адбылося і сёлета. 11 вучняў далі ўрачыстае абяцанне шчыра любіць і шанаваць сваю Радзіму, быць прыкладам для малодшых школьнікаў.

Таксама на мітынгу былі ўручаны білетыГА "БРСМ" навучэнцам 8-9 класаў.

У канцы мітынгу вучні ўсклалі гірлянду, вянкі і кветкі да стэлы.

Працягам святочнага дня стаў Урок Патрыятызму "Дзень Перамогі".

Напярэдадні  Дня Перамогі навучэнцы 5 і 11 класаў наведалі былога малалетняга вязня канцлагера Федаравіча Рыгора Міхайлавіча. Дзеці падрыхтавалі для яго вершы і падарункі.

Намеснік дырэктара па асноўнай дзейнасці                     А.П. Жыдко