У рамках Года малой радзімы 3-4 лістапада мы, вучні Карабоўскай школы, пад кіраўніцтвам Завадскай А.С. і Чаронка Л.А. здзейснілі вандроўку ў горад Полацк. Сустрэліся на вакзале з сябрамі, вучнямі Пастаўскага раёна і іх кіраўніком Каралём У.П. Усе разам прайшлі па прыгожых вуліцах і плошчах горада. Па праспекце Францыска Скарыны мы прайшлі да Сафійскага сабора, на сваім шляху мы рабілі прыпынкі і слухалі цікавыя паведамленні аб Скарыне, помніку цэнтру Еўропы, літары Ў, на плошчы Свабоды наведалі помнікі салдатам войн 1812 і 1941-1945 гадоў. Затрымаліся каля архітэктурнага комплекса былога Полацкага іезуіцкага калегіўма.

Цікавай з’явілася аглядальная экскурсія па старажытнаму дзядзінцу Полацка. З мэтай паўтарэння і замацавання ведаў па фарміраванню беларускай дзяржаўнасці пабывалі каля Сафійскага сабора, помніка Полацк-калыска беларускай дзяржаўнасці. Успомнілі гісторыю ўзнікнення Полацка, трагічнае жыццё першага князя Рагвалода, складаны лёс Рагнеды, Ізяслава, барацьбу за незалежнасць Полацкай зямлі іх нашчадкаў. Асаблівую ўвагу надалі славутаму сыну нашага краю Францыску Скарыну. Вялікае ўражанне на жыхароў і гасцей Полацка аказвае яго чысціня і прыгажосць, адрэстаўрыраваная старажытнасць і мадэрнізіраваная сучаснасць.

На начоўку размясціліся ўсе на турыстычнай базе центра турызма і краязнаўства г. Полацка. Трэніравалі свае навыкі па скалалазанню у тэхнікі боўлдэрінгу, спартыўнаму арыентаванню на мясцовасці, тэхніку спартыўнага турызму па вяровачнаму гарадку. Вечар правялі у гульнях і размовах. Шмат цікавага пазналі ў працэсе спартыўных і забаўляльных гульняў з пастаўскімі сябрамі.

     Экскурсія запомніцца нам надоўга, дзякуючы сваёй цікаўнасцю, захапляльнасці і цудоўнаму настрою.

     Мішута Данііл, вучань 9 класа