Другога кастрычніка ў нашай школе адбыўся дзень самакіравання. У гэты дзень вучні 9 – 11 класаў паспрабавалі сябе ў ролі настаўнікаў.

Усім вельмі спадабалася быць настаўнікамі, праводзіць заняткі, але таксама  на сабе  адчулі цяжкасці гэтай прафесіі.

  Дырэктарам нашай школы была Барыла Інга Яўгеньеўна, вучаніца 11 класа. Яна вельмі адказна аднеслася да сваіх абавязкаў. Як і сапраўдны дырэктар,  вырашала складаныя пытанні вучэбнага працэсу.

Дзень самакіравання ў нашай школе прайшоў вельмі цікава. У канцы гэтага дня адбыўся святочны канцэрт, на якім прагучалі словы  віншавання і падзякі ў адрас   сваіх любімых паважаных настаўнікаў.

Не засталіся без увагі вучняў і педагогі – ветэраны працы. Вучні школы наведалі Рачыцку  Аліну Антонаўну, Атрахімовіч Ірыну Іосіфаўну, Счасную Зінаіду Аляксандраўну, Сераду  Галіну  Уладзіміраўну і Працук Раісу Захараўну.  Разам са словамі віншавання  прагучалі і словы падзякі за цяпло і шчырыя адносіны да вучняў, за тыя трывалыя веды, якія яны перадалі многім пакаленням.

                                                                                           Шкорнік Лізавета