Дзень Перамогі 2021 год

Кажуць, чалавек памірае двойчы: у першы раз падчас біялагічнай смерці, а ў другі раз - калі памірае памяць пра яго. Другі раз паміраць страшней. Мы павінны захоўваць памяць дзесяцігоддзямі, перадаючы з вуснаў у вусны.

На папярэдадні дня Перамогі ва ўрачыстай абстаноўцы былі ўскладзены вянкі і кветкі на магілы невядомых салдат у вёсках Жураўнёва, Белевічы, Гулідава; да помнікаў загінуўшым землякам у вёсках Карабы ІІ і Зарубіна; да помніка сям’і Счасных у весцы Гінькі.

7 мая адбыўся мітынг каля стэлы загінуўшым салдатам – землякам.

Словы падзякі ў адрас салдатаў-вызваліцеляў за мірнае неба над галавой гучалі ад аддзела па адукацыі Глыбоцкага райвыканкама, кіраўніцтва Карабоўскага сельскага выканаўчага камітэта, УП "Канстанцінаў Двор".  

    Ва ўстанове адукацыі стала ўжо добрай традыцыяй на мітынгу да Дня Перамогі прымаць вучняў 4 класа ў члены Беларускай рэспубліканскай піянерскай арганізацыі. Так адбылося і сёлета. 4 вучні далі ўрачыстае абяцанне шчыра любіць і шанаваць сваю Радзіму, быць прыкладам для малодшых школьнікаў. 

Дырэктар установы адукацыі Стахоўская Алена Эдуардаўна  выказала ўпэўненасць, што і вучні, і настаўнікі нашай школы заўсёды будуць з павагай ставіцца да подзвігу савецкага народа, шанаваць памяць тых, хто прынёс мір, спакой, незалежнасць сваёй мужнасцю і гераізмам, перадаваць пра трагічныя старонкі нашай краіны з пакалення ў пакаленне і павіншавала новых піянераў.

Вельмі вялікая нечаканасць - з'яўленне бусла ў небе ў гэты час. Як знак міру і свабоды.

У канцы мітынгу вучні ўсклалі гірлянду, вянкі і кветкі да стэлы.

Працягам святочнага дня стаў святочны канцэрт "Дзень Перамогі".

                                                                      Намеснік дырэктара па асноўнай дзейнасці         А.П. Жыдко