Я першакласнік

Бадзёра і ўпэўнена

Мы ў першы клас прыйшлі

І шмат ужо цікавага

Ў падручніках знайшлі!

І з кожнаю старонкаю

Мы будзем падрастаць,

Старанна ўсе і дружна

Мы будзем працаваць.

Каб намі ганарылася

Радзіма, мамы, таты,

Мы будзем працаваць

За партамі заўзята!

         Весела і цікава прайшла пазнавальна-забаўляльная праграма ”Я першакласнік“. Да юных пачаткоўцаў завіталі старэйшыя сябры-пяцікласнікі і нават дзевяцікласніца. Буквар, ”Звездочет“ і пяцікласнікі  падрыхтавалі для першакласнікаў цікавыя забаўлянкі, гульні і задачкі, праверылі, як дзеці засвоілі правілы паводзін у класе і школе, правілы дружбы. Не абышлося і без сюрпрызаў. Пачаткоўцам уручылі медалі і падарункі.

         Як добра мець старэйшых сяброў, якія заўсёды побач! Калі першакласнікі скончаць пачатковую школу, іх сустрэнуць старэйшыя    сябры – цяперашнія пяцікласнікі, і навучанне ў пятым класе не будзе такім непрадказальным.

                                                        Класны кіраўник 1 класа Фёдарава Ганна Станіславаўна