Сустрэча з ветэранам Афганскай вайны Федаровічам Ігарам Уладзіміравічам

Напярэдадні Дня памяці воінаў-інтэрнацыяналістаў ва ўстанове адукацыі адбылася сустрэча з выпускніком школы воінам-інтэрнацыяналсітам Федаровічам Ігарам Уладзіміравічам.

Сустрэча прайшла ў цёплай сямейнай абстаноўцы. Ігар Уладзіміравіч успомніў свае школьныя гады, першае каханне, сяброў, настаўнікаў. Паведаміў, як змяніў ідэю паступаць у вышэйшую навучальную ўстанову на службу ў арміі, як было страшна ўпершыню прыгаць  з парашутам…

Ігар Уладзіміравіч расказаў, як нечакана сустрэўся ў Афганістане з братам Мацеюна Рамана Іосіфавіча – ваенным карэспандэнтам Артурам Іосіфавічам.

Федаровіч Ігар Уладзіміравіч адбываў службу ў Афганістане на працягу двух гадоў і чатырох месяцаў. Самым цяжкім выпрабаваннем гэты час стаў, зразумела, для маці Ігара Уладзіміравіча.

Вяртаўся з Афганістана напярэдадні вечара сустрэч з выпускнікамі. ”Гэта быў самы шчаслівы дзень у маім жыцці!“ – паведаміў Ігар Уладзіміравіч.

Шмат выпрабаванняў для нашых юнакоў прынесла тая вайна. Яшчэ большы боль перанеслі іх маці. Напярэдадні свята хочацца ўспомніць усіх воінаў-інтэрнацыяналістаў, якія з мужнасцю і гонарам выконвалі і працягваюць выконваць свой інтэрнацыянальны абавязак! Няхай іх подзвігі заўсёды будуць цаніцца акружаючымі людзьмі і наступнымі пакаленнямі, бо брацкая дапамога - гэта сапраўдныя доблесць, адвага і самаахвярнасць! Слава і пашана кожнаму такому воіну на ўсе часы!