Тыдзень прыродазнаўча-матэматычнага цыкла

Матэматыка – навука важная,  выкладаць яе – справа адказная!

      Кожны чалавек пагадзіцца з тым, што матэматыка займае важную ролю ў паўсядзённым жыцці і сустракаецца на кожным кроку: пры ажыццяўленні пакупак у крамах, пры планаванні сямейнага бюджэту, пры будаўніцтве хаты, нават пры прыгатаванні ежы.

       Асновы матэматычных ведаў закладваюцца ў час навучання ў школе, фундамент ведаў, навыкаў, уменняў фарміруецца ў пачатковых класах. Вучэбны прадмет ”Матэматыка“ у пачатковых класах спрыяе развіццю вобразнага і лагічнага мыслення, закладвае асновы для фарміравання ў вучняў пазнавальнай самастойнасці, паказвае магчымасці прымянення матэматычных ведаў у паўсядзённым жыцці.

         З мэтай павышэння прафесійнай кампетэнтнасці настаўнікаў, для развіцця пазнавальнай і творчай актыўнасці навучэнцаў ва ўстанове адукацыі ”Карабоўская дзіцячы сад-сярэдняя школа Глыбоцкага раёна імя Р.І Мацеюна“ з 14.03 па 18.03 праводзіўся тыдзень прыродазнаўча-матэматычных прадметаў сярод навучэнцаў школы.

         Прынцып правядзення тыдня заключаўся ў тым, што кожны навучэнец - актыўны ўдзельнік усіх падзей тыдня. Кожны дзень тыдня праходзіў пад розным дэвізам і быў прысвечаны пэўнай тэме, у рамках якой праводзіліся займальныя заняткі і пазакласныя мерапрыемствы.      У першы дзень вучні 7 -8 класаў удзельнічалі ў матэматычнай гульні ”Твой шанс“ (падрыхтавала настаўнік матэматыкі Конан-Латышонак Ю.В.).  Для вучняў 6-8 класаў настаўнік інфарматыкі Счасны І.М. падрыхтаваў віктарыну ”Ты, я  і інфарматыка“

.

        Акрамя таго, дзеці здзейснілі ”Падарожжа па краіне матэматыкі“, удзельнічалі ў пасяджэнні Клуба вяселых матэматыкаў, малой матэматычнай алімпіядзе. Настаўнік біялогіі Лаўрыновіч Вольга Сяргееўна правяла з вучнямі 4-6 класаў квэст-гульню ”Хто хоча стаць біёлагам“, настаўнік фізікі Мазная Наталля Леанідаўна для вучняў 7-9 класаў арганізавала інтэлектуальны турнір па фізіцы, настаўнік матэматыкі Таірава В.У. распрацавала для 5-7 класаў матэматычны конкурс ”Я ведаю“. 16 сакавіка навучэнцы 8-11 класаў разам з настаўнікам  хіміі і біялогіі Бервячонак Л.У.  удзельнічалі ў экалагічнай гульні ”Свая гульня“.  На 17 сакавіка запланавана займальная гульня ”Незвычайныя прыгоды інфарматыкаў“ для вучняў 3-5 класа (настаўнік інфарматыкі (Ляшонак Н.В.), інтэрактыўная гульня ”Па краінах свету“ для вучняў 7-8 класаў (настаўнік геаграфіі Завадская А.С.).

     На працягу тыдня ва ўстанове адукацыі было наладжана ўзаеманаведванне вучэбных, пазакласных мерапрыемстваў, якое прадугледжвала супрацоўніцтва, заснаванае на разуменні і павазе да вопыту іншага, узаемным абмене інфармацыяй.

                            Намеснік дырэктара па асноўнай дзенасці                     Г.А.Кухто