Экскурсія ў Полацкае кадэцкае вучылішча

       9 красавіка  гасцінна расчыніла дзверы Полацкае кадэцкае вучылішча. Вучні 7 класа нашай школы з класным кіраўніком  Кабылінскай Інай Аляксееўнай і Аляховічам Аляксандрам Станіслававічам, кіраўніком па ваенна-патрыятычным выхаванні,  з задавальненнем наведалі гэту ўстанову.

         Дырэктар вучылішча Красоўскі  Станіслаў Канстанцінавіч азнаёміў прысутных з навучальнай установай,  яе гісторыя стварэння, расказаў пра тое,чым жыве сёння установа, правёў экскурсію і паказаў  прысутным  вучэбныя класы, спартыўныя залы і пляцоўку, дзе праходзяць заняткі па страявой падрыхтоўцы. Нашым вучням  спадабалася экскурсія і вельмі ўразілі заняткі на плацу. У спартыўнай зале  кадэты паказалі сваю фізічную падрыхтоўку. У вучняў узнікла шмат пытанняў, на якія з задавальненнем адказаў дырэктар вучылішча.

         Другім месцам прыпынку ў Полацку стаў Музей баявой славы. Экскурсію правяла старшы навуковы супрацоўнік Ірына Вікенцьеўна Сырэвіч.  У экспазіцыі Музея баявой славы прадстаўлены музейныя прадметы з калекцый: фотадакументы, дакументы, фалерыстыка, рукапісы, друкаваныя выданні, ваенная амуніцыя, адзенне, зброя і боепрыпасы. Апавяданне экскурсавода ўзрушыла вучняў, не  пакінула іх абыякавымі да падзей Вялікай Айчыннай вайны. Яшчэ доўга ў аўтобусе яны абмяркоўвалі ўбачанае.

         Народная памяць патрэбна ў першую чаргу новым пакаленням, якім трэба будзе будаваць заўтрашні дзень. Моладзь павінна ведаць, кім і якім коштам была заваяваная Перамога.

             Класны кіраўнік 7 класа          Кабылінская І.А.