Велікоднае яечка

    Вялікдзень – самае значнае свята ў хрысціянскім календары. А для дзяцей гэта яшчэ і адно з самых вясёлых святаў. Да вучняў пачатковых класаў, як і штогод, завітала з велікоднымі яечкамі цётка Ганна – бібліятэкар установы адукацыі Чырвоная Ганна Антонаўна.

   Трэба было бачыць, як зухавата і весела дзеці ўдзельнічалі ў велікодных гульнях: качалі яечкі, вызначалі самае моцнае яечка, шукалі яечка ў капелюшы. Аднак самае важнае і бясцэннае багацце – гэта культурная спадчына беларусаў, да якой у чарговы раз далучыліся вучні. Прыгожыя рознакаляровыя яечкі радавалі дзяцей не менш, чым самі гульні. Як добра, што ў сем’ях даражаць духоўнымі каштоўнасцямі продкаў і далучаюць да іх дзяцей, а ўстанова адукацыі супольна з бацькамі падтрымлівае самае каштоўнае ў маральна-этычным выхаванні вучняў.

    Настаўнік пачатковых класаў Фёдарава Г.С.