Школа!
У гэтым слове, дарагім і блізкім,
Дзяцінства яснавокае жыве...
Школе пакланіся нізка-нізка
За дабрыню і цеплыню яе!

Шчырыя ўсмешкі і слёзы на вачах, букеты і паветраныя шары, словы ўдзячнасці і віншаванні…

Усё гэта і многае іншае стала атрыбутам яркага і заўсёды хвалюючага свята апошняга званка, якое прайшло ва ўстанове адукацыі 30 мая.
Для большасці школьнікаў урачыстая лінейка абвясціла заканчэнне чарговага навучальнага года. Для выпускнікоў апошні школьны званок стаў сімвалам заканчэння цудоўнай пары дзяцінства і пачаткам дарослага жыцця.

Са словамі прывітання да выпускнікоў і вучняў школы звярнуліся госці, якія разам з намі раздзялілі свята: Лазаронак Таццяна Антонаўна – старшыня Глыбоцкага раённага аб’яднання арганізацый прафсаюзаў,
Якімовіч Васілій Васільевіч – дырэктар УП ”Канстанцінаў Двор“,
Касцюкевіч Зоя  Клаўдзееўна – дырэктар дзяржаўнай установы дадатковай адукацыі ”Цэнтр дзяцей і моладзі Глыбоцкага раёна“.
Яшчанка Сяргей Уладзіміравіч – начальнік крымінальна-выканаўчай інспекцыі.

Дырэктар установы адукацыі Стахоўская Алена Эдуардаўна павіншавала прысутных са святам, выказала словы падзякі вучням, педагогам, бацькам, кіраўніку УП ”Канстанцінаў Двор“ і ўручыла Ганаровыя граматы і падзякі.  

Педагог-арганізатар Раманоўская Я.В.