Сустрэча для душы

        Напярэдадні Дня пажылога чалавека вучні 8 класа разам з класным кіраўніком Кабылінскай Інай Аляксееўнай і кіраўніком ваенна-патрыятычнага выхавання Аляхновічам Аляксандрам Станіслававічам шчыра віталі ва ўстанове адукацыі членаў педагагічнага калектыву, якія знаходзяцца на заслужаням адпачынку. На сустрэчу завіталі Асон Людміла Пракопаўна і  Талкач Людміла Аляксандраўна.

         За гарбатай і пачастункамі адбылася душэўная размова. Людміла Пракопаўна і Людміла Аляксандраўна распавялі дзецям пра свой жыццёвы лёс, працоўную дзейнасць і захапленні для душы. Дзеці ж мелі магчымасць не толькі слухаць цікавыя і павучальныя жыццёвыя гісторыі, але атрымалі адказы на самыя розныя пытанні. З зацікаўленасцю вучні і госці разважалі пра адносіны да спадчыны, сямейныя традыцыі, патрыятызм і любоў да Радзімы, прафесію сваёй мары. Вядучыя Ганна Антонаўна Чырвоная і Ганна Станіславаўна Фёдарава праспявалі для ўдзельнікаў вечарыны задушэўныя песні.

Намеснік дырэктара па асноўнай дзейнасці Кухто Г.А.