”У пошуках Дзеда Мароза“

       Новы год - гэта самае любімае, добрае і казачнае свята. Новы год - гэта час цудаў, чароўных пераўтварэнняў, прыгод і дзіўных пераменаў. Людзі ў Новы год становяцца лепшымі і шчаслівейшымі. Менавіта таму ў нашай школе да правядзення навагодніх ранішнікаў асаблівае стаўленне.

       27 снежня 2022 года быў праведзены навагодні ранішнік ”У пошуках Дзеда Мароза“ для вучняў 1-4 класаў.

      Падрыхтоўка пачалася задоўга да наступлення свята. Класныя кіраўнікі 1-4 класаў развучвалі з дзецьмі вершы, песні, танцы, навагоднія карагоды, рабілі касцюмы, праводзілі гутаркі на тэму Новага года і навагодніх традыцый.

     Само свята прайшло весела і цікава. З самага пачатку спектакля вядучыя запрасілі дзяцей у чароўны свет казкі.  Баба Яга і Кікімара хацелі сапсаваць дзецям свята і зачаравалі Дзеда Мароза і Снягурачку. Дзяўчынкі і хлопчыкі разам са Снегавіком і  Зайцам  Мілай адправіліся ў падарожжа  па чароўным лесе ў пошуках галоўных герояў.  На сваім шляху яны сустрэлі Снежную Каралеву і Разбойніцу, выканалі шмат розных заданняў. Дзеці спявалі песні, таньчылі, адгадвалі загадкі, ”лёталі“ на мятле з Бабай Ягой і Кікімарай, удзельнічалі ў музычным батле. У выніку  чары былі разбураныя, а Дзед Мароз і Снягурачка –  выратаваныя. Затым  усе ўдзельнікі свята вадзілі карагоды, а дзеці чыталі вершы Дзеду Марозу. На развітанне хлопчыкі і дзяўчынкі атрымалі ад Дзеда Мароза і Снягурачкі салодкія падарункі.

Усім жадаем шчасця ў Новым годзе!

Намеснік дырэктара па асноўнай дзейнасці Жыдко А.П.