Літаратурнае знаёмства “Чароўны свет паэзіі”

      16 студзеня ў вучняў 2 класа адбылася чарговая вандроўка ў бібліятэку. Загадчык бібліятэкі Чырвоная Ганна Антонаўна запрасіла пачаткоўцаў на мерапрыемства з нагоды 80-годдзя вядомага беларускага пісьменніка Міколы Чарняўскага, які напісаў шмат твораў для дзяцей малодшага ўзросту. Гэта вершаваныя казачкі, вершы, загадкі, скорагаворкі, лічылкі. Ужо больш за пяцьдзясят гадоў піша ён для дзяцей, і кожны яго верш зіхаціць смехам і дабрынёй. Менавіта таму ўсе маленькія жыхары нашай краіны любяць яго творы.

      У ходзе мерапрыемства дзеці чыталі і слухалі вершы, адказвалі на пытанні, адгадвалі загадкі, практыкаваліся ў чытанні скорагаворак, рашалі крыжаванкі. Час праляцеў імгненна, а дзеці з задавальненнем  паглыбіліся ў творчасць Міколы Чарняўскага і атрымалі шмат станоўчых эмоцый. А самае галоўнае – мерапрыемства мела вялікае выхаваўчае значэнне, бо кожны твор пісьменніка – гэта цудоўная школа дабрыні і чалавечнасці.

Настаўнік пачатковых класаў Фёдарава Г.С.