У гасцях у краязнаўчым музеі Падсвільскай сярэдняй школы

25 студзеня вучні 8 і 9 класаў нашай школы завіталі ў госці ў краязнаўчы музей Падсвільскай сярэдняй школы. Узначальвае музей настаўніца гісторыі Пасюк Таццяна Іосіфаўна, настаўніца беларускай мовы і літаратуры.

Экспазіцыя музея складаецца з некалькі раздзелаў:

• гісторыя пасёлка Падсвілле;
• гісторыя Падсвільскай школы;
• жыццёвы і творчы шлях Язэпа Нарцызавіча Драздовіча;
• этнаграфічны куток.

У музеі знаходзяцца этнаграфічныя і нумізматычныя прадметы, прадметы быту, карціны Я. Драздовіча, фотаграфічныя матэрыялы, кнігі старадрукаваныя, рукапісныя і друкаваныя дакументы, літаратурныя творы і гістарычныя карты.

Таццяна Іосіфаўна вельмі цікава расказала нам пра знакамітага беларускага мастака Язэпа Драздовіча, пра яго жыццё і творчасць. А таксама настаўніца правяла краткі экскурс па старонках гісторыі Падсвільскай сярэдняй школы і расказала пра Падсвілле у гады вайны.

Настаўнік гісторыі Чаронка Л.А.