Да 70-годдзя вызвалення Рэспублікі Беларусь ад нямецка фашысцкіх захопнікаў

6 мая выдаўся для ўстановы адукацыі надзвычай цікавым днём. Вучні школы віталі супрацоўнікаў Глыбоцкага этнаграфічнага музея, якія прэзентавалі дакументальную стужку, прысвечаную  70-годдзю вызвалення Глыбоцкага раёна і Беларусі ад нямецка-фашысцкіх захопнікаў, і экспазіцыю трафеяў Вялікай Айчыннай вайны.

Супрацоўнікі музея Аляксандр Хайноўскі і Ігар Фёдараў нагадалі навучэнцам пра жахлівыя старонкі жыцця акупіраванай Глыбоччыны, дапамаглі асэнсаваць і ўзнавіць у памяці ўбачанае і зразумець, чаму нашы салдаты – вызваліцелі перамаглі ў змаганні і ў чым значнасць перамогі.

Дзякуем кіраўніцтву і супрацоўнікам музея! Шчыра віншуем ветэранаў і ўсіх жыхароў Глыбоччыны з Днём Перамогі. Жадаем чыстага неба, духмянага хлеба, крынічнай вады і ніякай бяды.

                                                 Класны кіраўнік 5 класа Фёдарава Г.С.