Падарожжа ў Паставы     

     17-18 сакавіка вучні нашай ўстановы адукацыі здзейснілі паездку ў Паставы. Дзеці 10-14- гадовага ўзросту ўдзельнічалі ў раённых спаборніцтвах па спартыўнаму арыентаванню. Юныя краязнаўцы прайшліся па Паставах з аглядальнымі экскурсіямі. Пазнаёміліся з гісторыяй Пастаўскага краю. Адзначылі ролю жыхароў суседняга раёна ў добраўпарадкаванні сваёй маленькай радзімы. Адрамантаваны і ў добрым стане захоўваюцца помнікі, якія прызнаны гісторыка-культурнай каштоўнасцю. Асабліва ўразіла ўсіх тэрыторыя Пастаўскай раённай бальніцы, якая змешчана ў былой сядзібе Тызенгаўзаў. Менавіта гэты славуты род Вялікага княства Літоўскага валодаў пастаўскімі землямі. Антоній, Канстанцін Тызенгаўза ўнеслі значны ўклад у гісторыю гэтага краю, як грамадска-палітычныя дзеячы і навукоўцы. Паездка выдалася вельмі цікавай і пазнавальнай. Усім хочацца пабываць тут яшчэ.