Свята 9 Мая стала сімвалам мужнасці і гераізму, вялікага патрыятызму салдат, якія цаною жыцця адстаялі волю. Гэта радасны і шчаслівы дзень для цяперашніх і будучых пакаленняў, для якіх дзяды і прадзеды заваёўвалі права на мірнае жыццё.

У Рэспубліцы Беларусь 9 мая адзначаецца Дзень Перамогі - свята, здабытае ў цяжкіх баях за волю і незалежнасць Радзімы. Для жыхароў рэспублікі гэта не толькі святочны дзень, але яшчэ і дзень памяці, глыбокай пашаны і падзякі ўсім, хто набліжаў Вялікую Перамогу.

9 мая навучэнцы і педагогі Карабоўскай школы ля помніка загінуўшым аднавяскоўцам прынялі ўдзел у мітынгу, прысвечаным 78-й гадавіне Перамогі савецкага народа ў Вялікай Айчыннай вайне.

Вядучыя мітынгу нагадалі прысутным пра апошнія дні вайны і пра тое, якім коштам дасталася нашаму народу гэтая перамога. Хвілінай маўчання ўсе ўдзельнікі мітынгу ўшанавалі загінуўшых і ўсклалі кветкі да абеліска.

Пасля мітынгу адбыўся святочны канцэрт, падрыхтаваны навучэнцамі школы.