Не застаўся без увагі ў нашай   школе юбілей   беларускага пісьменніка  Уладзіміра  Караткевіча. У кабінеце беларускай мовы і літаратуры  арганізавана  выстава кніг   мастака  гістарычнага жанра.  Вучні  10  класа   выпусцілі газету да 85-годдзя Уладзіміра Караткевіча.  26  лістапада  адбылася літаратурна-музычная кампазіцыя  “ На балі ў   пані Яноўскай”.

У час мерапрыемства гучалі  вершы   знакамітага  земляка, у якіх  з пяшчотай і ласкай   паэт   гаворыць пра  родны  край, яго гісторыю. Былі праінсцэніраваны   ўрыўкі   з  казкі “ Кацёл  з  каменьчыкамі”  і аповесці “Дзікае   паляванне  караля  Стаха”. Гледачоў зачаравала  творчасць Караткевіча. Музыка і танцы  дзевятнаццатага   стагоддзя ярка выразілі   час,  які пісьменнік паказаў у сваім “Дзікім паляванні…”.