Тыдзень спорту і здароўя

     Пачатак навучальнага года – гэта падзея значная  для навучэнцаў, іх бацькоў, настаўнікаў. Хтосьці пачынае свае першыя крокі ў навуку, нехта радуецца сустрэчы са сваімі аднакласнікамі, нехта сумуе, бо гэты вучэбны год будзе апошнім ў сценах роднай школы.

   Па традыцыі,  другі тыдзень верасня для настаўнікаў і вучняў Дзяржаўнай ўстановы адукацыі “Карабоўская  сярэдняя школа Глыбоцкага раёна імя Р.І. Мацеюна” быў адметным. У рамках Рэспубліканскага комплекснага спартыўна-массавага мерапрыемства “Тыдзень спорту і здароўя” ў школе прайшлі мерапрыемствы фізкультурна-аздараўленчай накіраванасці.

   Пачаўся  “Тыдзень спорту і здароўя”  з урачыстай лінейкі, дзе вучняў пазнаёмілі з планам мерапрыемстваў. На працягу ўсяго тыдня  праходзілі спартландыі,  конкурс малюнкаў “Беларусь спартыўная”, інтэлектуальны конкурс “Алімпійскі эрудзіт”, конкурс калажоў  “Мы і спорт”, флэшмоб “Здаровы я – здаровая краіна”. Для школьнікаў  малодшага і сярэдняга звяна былі арганізаваны рухомыя  гульні “Два капітаны”,  “Казачныя эстафеты”, майстар-класы і рухомыя перапынкі

  Завяршыўся “Тыдзень спорту і здароўя” легкаатлетычным чатырохбор’ем, дзе вучні 5-7 класаў спаборнічалі ў бегу на 60 метраў, 500 метраў сярод дзяўчынак і 800 метраў сярод хлопчыкаў, кіданні мяча і скачках у даўжыню з разбегу, а таксама асеннім кросам, у якім прынялі ўдзел усе вучні школы. Прырода не паскупілася і падала спартсменам ўсе ўмовы для дасягнення высокіх вынікаў, атрымання ладнага зарада бадзёрасці і добрай порцыі здароўя. 

    І галоўнай узнагародай для школьнікаў сталі не званні пераможцаў, а зносіны адзін з адным, свежае восеньскае паветра і добры настрой. Мерапрыемствы зарадзілі ўсіх добрым настроем, энергіяй і бадзёрасцю.