Тыдзень народнага  адзінства

     2023 год аб’яўлены Годам  міру  і стваральнай працы. Згуртаванасць і згода,  талерантнасць і паразуменне, жаданне жыць у мірнай краіне і быць шчаслівымі  аб’ядноўвае ўсіх нас. У гэтым годзе наша краіна   ўжо  ў трэці раз святкуе  Дзень народнага адзінства. Гэта магчымасць успомніць пра гістарычную і культурную спадчыну, беларускія традыцыі і лепшыя якасці беларускага народа.

    Ва ўстанове адукацыі  “Карабоўская сярэдняя школа Глыбоцкага раёна імя Р.І. Мацеюна” з 11 па 16 верасня прайшоў Тыдзень народнага  адзінства.   У мерапрыемствах тыдня прынялі ўдзел усе навучэнцы ўстановы адукацыі. Падчас тыдня прайшлі класныя  інфармацыйныя гадзіны, фотаконкурс “ Мая малая радзіма”, конкурс чытальнікаў “ Маёй Радзіме прысвячаецца…”,  інфармацыйныя хвілінкі ў рамках Дня народнага адзінства , час патрыятызму “Мы – адзіны, мы – сэрца вялікай краіны”, дыялогавая пляцоўка “Разам мы адзіны”, квіз “ Народаў шмат, краіна адна”.  На мерапрыемствах навучэнцы і класныя кіраўнікі гаварылі пра гісторыю беларускай дзяржаўнасці, сапраўдныя каштоўнасці беларускага народа, разуменне навучэнцамі свайго статусу як грамадзяніна Рэспублікі Беларусь .

      Адным з запамінальных мерапрыемстваў тыдня стаў  гістарычны час, які правялі  супрацоўнікі Дзяржаўнай установы  культуры  “ Глыбоцкі гісторыка-этнаграфічны  музей”. Навуковы супрацоўнік  музея Уладзімір Мірончык , звяртаючыся  да біяграфій   знакамітых людзей  Глыбоччыны,  нагадаў  навучэнцам аб неабходнасці  ведаць пра такіх значных асоб нашай малой радзімы,  якія   ўнеслі свой  уклад у развіццё  краіны і сталі вядомымі  за яе межамі.

      Члены ГА “ БРСМ” прадэманстравалі адзінства,  удзельнічаючы ў акцыі “ Беларусь у маім сэрцы”. 

      Усе ўдзельнікі  Тыдня  прыйшлі да высновы, што толькі ў адзінстве мэтаў і намаганняў мы зможам захаваць і прымножыць дабрабыт і дасягненні нашай краіны.

     Намеснiк дырэктара па асноўнай дзейнасці Ліпчык М.І.