Дзень самакіравання - незвычайнае і доўгачаканае свята

     Напярэдадні свята Дня настаўніка  ў Дзяржаўнай установе адукацыі “Карабоўская сярэдняя школа Глыбоцкага раёна імя Р.І.Мацеюна”  было весела,  у фае школы гучала музыка.  У школе  праходзіў дзень самакіравання - незвычайнае і доўгачаканае свята. Гэта шанс паспрабаваць сябе ў ролі настаўніка, дырэктара, намеснікаў дырэктара. Дырэктар установы адукацыі А.Э.Стахоўская перадала ключ ад школы дырэктару-дублёру Яўгену  Нікуліну, вучню 10 класа.

     Старшакласнікі рыхтаваліся да  дня самакіравання  вельмі сур'ёзна: бралі расклад і планы ўрокаў; дамаўляліся, хто і  якія прадметы  будзе праводзіць. Дзеці падыйшлі да мерапрыемства з усёй сур'ёзнасцю, праводзілі ўрокі, класныя гадзіны, адказвалі за парадак у школе.

     Дзень самакіравання прайшоў вельмі цікава. У канцы дня адбыўся святочны канцэрт, падчас якога гучалі словы падзякі  любімым настаўнікам, песні ў выкананні  дзяцей і настаўнікаў.

      На такой пазітыўнай ноце і завяршыўся дзень самакіравання.