Узаемадзеянне сям’і і ўстановы адукацыі для павышэння ўзроўню якасці ведаў і бяспечных паводзін навучэнцаў

     Ва ўстанове адукацыі  рэгулярна арганізуюцца сустрэчы для педагогаў і бацькоў, у час якіх вырашаюцца многія сур’ёзныя пытанні. Так 15 лістапада адбыўся чарговы агульнашкольны бацькоўскі сход «Узаемадзеянне сям’і і ўстановы адукацыі для павышэння ўзроўню якасці ведаў і бяспечных паводзін навучэнцаў».

     На бацькоўскі сход былі запрошаны  пракурор Глыбоцкага раёна Дайлідзёнак Валерый Міхайлавіч, начальнік Глыбоцкага РАНС Завацкі Васілій Уладзіміравіч.

     Дайлідзёнак В.М. інфармаваў законных прадстаўнікоў аб выпадках смяротнасці непаўналетніх па раёне, асноўных прычынах, калі здараюцца трагедыі.  Акцэнтаваў  увагу на адказнасці за выкананне бацькоўскіх абавязкаў, на неабходнасці кантролю за правядзеннем вольнага часу іх дзецьмі ў сетцы Інтэрнэт, правілах карыстання мабільнымі тэлефонамі, аб прафілактыцы суіцыдальных паводзін, праблеме гвалту ў адносінах да непаўналетніх. Не абмінуў выступоўца і пытанне недапушчэнне далучэння падлеткаў да наркаўжывання і наркараспаўсюджання, акрэсліў рамкі, за якімі ўчынкі непаўналетніх лічацца супрацьпраўнымі.

     Васілій Уладзіміравіч Завацкі звярнуў увагу на правілы пажарнай бяспекі. Начальнік Глыбоцкага РАНС давёў да ведама прысутных інфармацыю аб колькасці пажараў, якія забралі з сабой жыцці людзей, акрэсліў асноўныя прычыны ўзнікнення пажаранебяспечных сітуацый, параіў бацькам прыкласці максімум намаганняў, каб пазбегнуць сітуацый узнікнення пажараў. 

     Намеснік дырэктара па асноўнай дзейнасці В.В.Ермаковіч паведала прысутным вынікі вучэбнай дзейнасці ўстановы адукацыі за першую чвэрць.         З асаблівасцямі выхаваўчага працэсу ўстановы адукацыі пазнаёміла намеснік дырэктара па асноўнай дзейнасці М.І.Ліпчык.

     Аб арганізацыі адукацыйнага  працэсу ўстановы адукацыі расказала дырэктар  А.Э.Стахоўская, падкрэсліўшы, што  галоўным фактарам  паспяховага выхавання і навучання з’яўляецца супрацоўніцтва  законных прадстаўнікоў і школы.