Вечар сустрэчы выпускнікоў

     Вечар сустрэчы выпускнікоў - радаснае свята з адценнем настальгіі. Былыя школьнікі спяшаюцца ў альма-матар, каб сустрэцца з настаўнікамі і аднакласнікамі.     Магчыма, для іх гэта своеасаблівая машына часу, якая пераносіць у дзяцінства, у тыя шчаслівыя дні, калі дрэвы былі вялікімі, а праблемы маленькімі, калі ўсё яшчэ ўмелі давяраць людзям і будавалі самыя неверагодныя планы на будучыню. Хтосьці прыходзіць, каб убачыць суседа па парце, які не даваў сумаваць на ўроках, сказаць "дзякуй" класнаму кіраўніку, пахваліцца сваімі прафесійнымі дасягненнямі або падзякаваць педагогам у правільным выбары прафесійнага шляху, акунуцца ў незабыўную атмасферу і ўспомніць шчаслівыя моманты.

     Вечар сустрэчы заўсёды доўгачаканы і хвалюючы для выпускнікоў і настаўнікаў нашай школы. Па традыцыі ў першую суботу лютага   школа сардэчна сустракае гасцей. Заўсёды душэўна,  па-сямейнаму цёпла праходзіць гэтае мерапрыемства. І субота, 3 лютага 2024 года, не стала выключэннем.

     Школа сабрала ў сваіх сценах выпускнікоў розных гадоў і розных пакаленняў, але ўсіх іх аб'ядноўвала адно –  любоў да роднай школы і павага да настаўнікаў. Школа поўнілася радаснымі ўсмешкамі. Героямі дня сталі, вядома ж, юбілейныя выпускі.

     І вось празвінеў званок, як той, першы, калісьці які паклікаў на першы ўрок, і  запрасіў усіх гасцей у  школьны экспрэс па маршруце "Школа – Дарослае жыццё".  Юбілейным выпускам давалася слова. На працягу ўсяго вечара выпускнікі ўспаміналі сваіх настаўнікаў, дзякавалі ім за цеплыню і цярпенне, успаміналі сваё школьнае жыццё, цікавыя і вясёлыя гісторыі.

     Успомнілі настаўнікаў, якіх ужо няма з намі.