Квітней, мой край!

                                                                                                                                       Зямля Беларусі! Бары і дубровы,

                                                     Жытнёвае поле, шаўковы мурог,

                                                     У промнях рабіны заход вечаровы,

                                                     Што клёкат буслоў — ручаёў перамовы

                                                     І ў шумных прысадах істужкі дарог.

                                                                                                    Пятрусь Броўка

          Зямля Беларусі! Край дзівоснай і непаўторнай прыроды, таленавітых людзей і багатай культурнай спадчыны! У рамках месячніка патрыятычнага выхавання  вучні І-ІІІ класаў выправіліся ў чарговую захапляльную вандроўку па роднай зямлі. Дзеці пазнаёміліся з нацыянальнымі  паркамі і запаведнікамі, узгадалі пра прадстаўнікоў жывёл і раслін, якія занесены ў Чырвоную кнігу Беларусі, паўтарылі правілы паводзін у прыродзе і высветлілі, як яны могуць захаваць і памножыць багацці роднай зямлі. У ходзе мерапрыемства пачаткоўцы ўзнавілі і ўзбагацілі веды пра народныя віды мастацтва, папоўнілі слоўнікавы запас, спявалі, рашалі рэбусы і разгадвалі загадкі. Няма нічога больш захапляльнага, як адкрываць таямніцы роднай зямлі і далучацца да культуры Бацькаўшчыны!