Міжнародны дзень роднай мовы

    Штогод 21 лютага ва ўсім свеце адзначаецца Міжнародны дзень роднай мовы. У нашай установе адукацыі гэты дзень пачаўся менавіта з беларускай мовы. Дзеці віталіся па-беларуску, адказвалі на пытанні, слухалі музычныя беларускія кампазіцыі. На перапынку вучні адгадвалі загадкі, крыжаванкі, успаміналі беларускія прымаўкі, выказваючы сваю любоў да роднай мовы. Найбольшую цікавасць выклікала акцыя ”Чытаем вершы на ролнай мове“. Дзеці і настаўнікі чыталі на памяць вершы класікаў літаратуры, спявалі беларускія песні.
Навучэнцы прыйшлі да высновы, што неабходна берагчы і шанаваць родную мову, бо яна найдаражэйшы скарб, які атрымалі ў спадчыну ад продкаў.