8 мая ўсе вучні ўстановы адукацыі прынялі ўдзел у мерапрыемствах, прысвечаных Дню Перамогі і 70-годдзю вызвалення Рэспублікі Беларусь ад нямецка –фашысцкіх захопнікаў.

Пачаўся гэты святочны дзень з мітынгу каля стэлы загінуўшым воінам-землякам у час Вялікай Айчыннай вайны. Словы падзякі ў адрас воінаў-вызваліцеляў за мірнае неба над галавой гучалі ад кіраўніцтва Карабоўскага сельскага выканаўчага камітэта, ААТ “Канстанцінаў Двор”. Дырэктар установы адукацыі Гаўрылава Таццяна Вячаславаўна  выказала ўпэўненасць, што і вучні, і настаўнікі нашай школы заўсёды будуць з павагай адносіцца да подзвіга савецкага народа і перадаваць гэта пачуццё з пакалення ў пакаленне.

Ва ўстанове адукацыі стала ўжо добрай традыцыяй на мітынгу да Дня Перамогі прымаць вучняў 4 класа ў члены Беларускай рэспубліканскай піянерскай арганізацыі. Так адбылося і сёлета. 16 вучняў далі ўрачыстае абяцанне шчыра любіць і шанаваць сваю Радзіму, быць прыкладам для малодшых школьнікаў.

У канцы мітынгу вучні ўсклалі гірлянду і кветкі да стэлы.

Працягам святочнага дня стала літаратурна-музычная кампазіцыя “Вайна – боль і памяць народа”.

                                                  Намеснік дырэктара па асноўнай дзейнасці    А.П. Жыдко