Карабоўская зорачка  на небасхіле ”Жывой класікі“

         24 мая Віцебскі абласны палац дзяцей і моладзі ў чарговы раз запрасіў навучэнцаў Віцебшчыны на абласны этап рэспубліканскага творчага конкурсу юных чытальнікаў ”Жывая класіка“. У ім узялі ўдзел пераможцы раённых этапаў у чатырох узроставых групах: 1-4 класы, 5-6 класы, 7-8 класы і 9-10 класы.

          У ліку  юных глыбачан ва ўзроставай групе 1-4 класаў нашу школу прадстаўляла пераможца раённага этапа конкурсу Ермаковіч Дар’я, вучаніца 3 класа. Даша прачытала казку ”Клекатунчык“ (аўтар Р.Бензярук). Прыгожая, таленавітая, непасрэдная і харызматычная дзяўчынка не пакінула раўнадушнымі членаў журы. Таму заслужаная ўзнагарода – дыплом ІІІ ступені – гэта высокая адзнака працы.

           Віншуем Ермаковіч Дар’ю і жадаем поспехаў і новых творчых дасягненняў. У нас яшчэ ўсё наперадзе! Так трымаць!

Настаўнік пачатковых класаў Фёдарава Г.С.