Вывучаем Карабоўшчыну

          Царква святога архістраціга Міхаіла – душа  аграгарадка Карабы 2. Яна, бы вартавы, ціхмяна прытулілася на ўскрайку, вітае і выпраўляе ў дарогу вяскоўцаў і гасцей.

          Не дзіўна, што першы экскурсійны маршрут вучні 3-4 класаў Карабоўскай школы пабудавалі менавіта да царквы. А дапамагла ім больш даведацца пра яе гісторыю жыхарка аграгарадка Яўгенія Іванаўна Пракапёнак, якая ведае ўсе падрабязнасці будаўніцтва, бо ад самага пачатку брала ўдзел у гэтай важнай і неабходнай справе. А галоўны праекціроўшчык і будаўнік святыні – былы жыхар вёскі Карабы І Фёдар Марцінавіч Міхалевіч.

          У верасні царква атрымала падарунак – чатыры званы. Цяпер кожная служба аздоблена цудоўнымі гукамі, якія будуць клікаць вернікаў у святыню. Менавіта гукі званоў сустрэлі і пачаткоўцаў, і ад гэтага ўся вандроўка набыла адметную афарбоўку.

Настаўнік пачатковых класаў Фёдарава Г.С.