Віншаванне ў кожны дом

     1 кастрычніка адзначаецца Дзень пажылога чалавека. Менавіта ў гэты дзень, бібліятэкар разам з школьнікамі правялі візіт-акцыю "Віншаванне ў кожны дом". Гэтая ініцыятыва стала яркім прыкладам таго, як маленькія, але значныя жэсты могуць палепшыць настрой і павысіць якасць жыцця пажылых людзей. Акрамя віншаванняў, гучалі і вершы. Таксама былі ўручаны кветкі і паштоўкі, якія дзеці падрыхтавалі сваімі рукамі. Усё гэта было накіравана на стварэнне радаснай атмасферы вакол пажылых людзей. Асноўнай мэтай акцыі "Віншаванне ў кожны дом" было не толькі павіншаваць пажылых людзей з іх святам, але і нагадаць ім пра важнасць чалавечых зносін і падтрымкі. Пажылыя людзі адчулі, што яны не адны, што грамадства клапоціцца пра іх і шануе іх уклад.

Бібліятэкар Чырвоная Г.А.