Толькі зусім нядаўна мы сустракалі гасцей з Варапаева і Дунілавіч, а ўжо і вучні нашай установы адукацыі паспелі пабываць на сустрэчы з моладдзю ў Дунілавічах.

На працягу 2013-2014 навучальнага года такая сустрэча адбылася ўжо ў чацвёрты раз.

У рамках сустрэчы была праведзена канферэнцыя, на якой абмяркоўваліся пытанні распаўсюджвання шкодных звычак, а таксама зносінаў “бацькі – дзеці”.

Працягам праграмы ў час сустрэчы сталі гульні і конкурсы. Аднак больш за ўсё нашай моладзі падабаюцца інтэграцыйныя танцы, у час якіх можна не толькі патанцаваць, але і знайсці новых сяброў.

У канцы сустрэчы вучні нашай школы прапанавалі ўвазе прысутных два кінафільмы з жыцця ўстановы адукацыі.

Развітанне, як заўсёды, было сумным. Спадзяёмся, што вельмі хутка мы зноў сустрэнемся!     

                                                                                           Цырбан Андрэй, вучань 10 класа