Вечар школьных сяброў

     Вечар школьных сяброў -гэта традыцыйнае мерапрыемства, якое штогод збірае ў сценах роднай школы яе выпускнікоў розных гадоў. Сустрэча з юнацтвам, сустрэча з дзяцінствам у роднай школе падарыла прысутным магчымасць вярнуцца ў той час, дзе засталіся ў памяці сябры і бесклапотнае жыццё, напоўненае яркімі школьнымі падзеямі. У гэты дзень у школе панавала прыемная атмасфера весялосці, добразычлівасці і радасці сустрэчы. Кожны выпускнік у гэты вечар адчуў сябе часцінкай школьнай гісторыі-роднай установы адукацыі .
На працягу ўсяго вечара са сцэны гучалі музычныя нумары, падрыхтаваныя навучэнцамі для гасцей, словы шчырай падзякі ўсім педагогам школы за веды і мудрыя парады, якія не раз дапамагалі вучням у дарослым і самастойным жыцці.
Юбілейныя даты ў гэтым годзе адзначылі выпускнікі 1965, 1970, 1975, 1980, 1985, 1990, 1995, 2000, 2005, 2010, 2015, 2020 гадоў.