Эксурсія ў рамках праекта СТЭМ-лабараторыі

     У рамках праекта СТЭМ-лабараторыі ”Карабоўшчына сельскагаспадарчая“ вучні пачатковых класаў наведалі Глыбоцкі гісторыка-этнаграфічны музей  і Дом рамёстваў. Падчас экскурсіі дзеці паглыбіліся    ў гісторыю сельскай гаспадаркі нашых продкаў, папоўнілі лексічны запас па тэмах  ”Сельскагаспадарчы інвентар“, ”Раслінаводства“, ”Зерневыя культуры“, ”Вырабы з саломы і ільну“. Супрацоўнікі музея і Дома рамёстваў правялі практычныя заняткі з вучнямі, у ходзе якіх пачаткоўцы далучыліся да асноў сельскагаспадарчых рамёстваў, паспрабавалі сябе ў ролі ткачоў, патрымалі ў руках сельскагаспадарчы інвентар. Экскурсаводы Дмітрый Сяргеевіч Абрамчык  і Таццяна Гардзееўна Карнеева заахвоцілі школьнікаў вандроўкай да вытокаў сельскай гаспадаркі і дапамаглі хлопчыкам і дзяўчынкам зразумець важнасць і патрэбнасць працы хлебароба.

     Экскурсія садзейнічала выхаванню ў дзяцей беражлівых адносін да хлеба, павагі да стваральнай працы хлебароба, далучыла іх да гістарычнай спадчыны.