Дзень роднай мовы

     Міжнародны дзень роднай мовы  адзначаецца 21 лютага. Роднае слова з’яўляецца адным з самых вялікіх здабыткаў кожнага народа. Яно – люстэрка культуры і форма яе існавання, духоўнае аблічча і сутнасць чалавека.

     Хто хоць раз чуў беларускую мову, не забудзе яе мяккасці і мілагучнасці, плаўнасці і напеўнасці, сціплай прыгажосці і самабытнасці. У гэтым яшчэ раз змаглі пераканацца вучні нашай школы і прызнацца ў любові да матчынага слова ў час правядзення мерапрыемстваў, якія былі прысвечаны Міжнароднаму дню роднай мовы.

     Займальна і цікава прайшла ў пачатковых класах    гульня-конкурс “Ці ведаеш ты сваю мову?”. Дзеці адгадвалі загадкі,рэбусы,  перакладалі і рыфмавалі  словы.  Праверылі свае веды падчас гульні "Знаўцы роднай мовы" каманды 5-6 класаў ”Валошкі“,  ”Каласочкі“ .

     Свята закончылася   літаратурнай гасцёўняй  “Добрыя словы пра родную мову”, у якой прынялі ўдзел вучні 8-11 класаў. На працягу ўсяго мерапрыемства  гучалі  вершы беларускіх паэтаў пра родную мову, беларускія песні. Старшакласнікі пазнаёмілі прысутных з  гісторыяй станаўлення  беларускай мовы.