Дзень 15 лютага увайшоў у гісторыю. Як Дзень вываду савецкіх войскаў з Афганістана. 27 гадоў мінула з таго моманту, як апошняя калона з ваеннаслужачымі абмежаванага кантынгенту пакінула чужыну. Родныя, блізкія з нецярпеннем чакалі сваіх сыноў, братоў, любімых, на чыю долю выпалі цяжкія выпрабаванні.

   І ў гэты дзень мы згадваем імёны нашых землякоў, каму не суджана было вярнуцца дамоў жывымі. Першыя цынкавыя труны прыйшлі ў раён ужо летам 80-га. Загінулі: Аляксандр Дзегцяроў, Леанід Сандзюк, Дзмітрый Батура, Аляксандр Чаронка і Раман Мацяюн, імя якога носяць наша установа адукацыі і піянерская дружына. Памяць пра іх жыве ў нашых сэрцах.

      Пра іх лёс, а таксама пра землякоў воінаў-інтэрнацыяналістаў: Федаровіча Ігара Уладзіміравіча, Федзічкіна Аляксандра Аляксандравіча, Бервячонка Віктара Станіслававіча, Каспера Дзмітрыя Пятровіча паведамілі вучні 10-га, 11-га класаў для вучняў малодшага і сярэдняга звяна на экскурсіі “Дзень памяці воінаў-інтэрнацыяналістаў” у школьным музейным пакоі.

     Тых, хто сёння ў размове не без хвалявання прызнаецца, што да гэтага часу ў снах перажывае трывожныя баявыя падзеі сваёй маладосці і шчаслівы тым, што можа працаваць на роднай зямлі. Гадаваць дзяцей, а адпраўляючы сыноў на службу, даваць наказ быць годнымі абаронцамі сваёй Айчыны.