Вясновыя святы нашых продкаў

     21 красавіка ў памяшканні школы для вучняў 1-3 класаў прайшла фальклорная гадзіна ”Вясновыя святы нашых продкаў“. Вядучая мерапрыемства расказала прысутным аб вясновых святах. Больш падрабязна затрымалася на свяце ”Вялікдзень“. Дзеці даведаліся пра глыбокі сімвалізм велікодных звычаяў: пра тое, чаму яйкі афарбоўваюцца ў яркія колеры, а кулічы становяцца сімваламі дабрабыту і дастатку.Асаблівую цікавасць выклікаў аповяд аб старадаўніх велікодных гульнях і забавах. Дзеці з захапленнем ўяўлялі, як іх прабабулі і прадзеды каталі яйкі па спецыяльных жалабках, змагаліся ў біцці ”яек“ і вадзілі карагоды, поўныя вясновых песень. Сустрэча праходзіла ў форме жывога дыялогу. Дзеці не толькі ўважліва слухалі, але і актыўна адказвалі на пытанні, а затым прынялі ўдзел у велікодных гульнях. Напрацягу мерапрыемства кожнае дзіця атрымала магчымасць падзяліцца сваімі ведамі і велікоднымі сямейнымі традыцыямі.