Урачыстае адкрыццё лагернай змены

     Сёння ў нашай школе адбылося ўрачыстае адкрыццё школьнага лагера дзённага знаходжання – доўгачаканая і яркая падзея, якая адзначыла пачатак новага захапляльнага этапа летніх канікул.

     З самай раніцы на тэрыторыі школы панавала атмасфера радасці, вяселля і прадчування цікавых прыгод.

     Праграма дня была насычанай і цікавай.

     Ранішняя зарадка дапамагла дзецям прачнуцца, узбадрыцца і настроіцца на пазітыўны лад.

     Святочнае адкрыццё змены з конкурсамі і гульнямі падаравалі ўдзельнікам шмат станоўчых эмоцый і радасных момантаў.

     Прадстаўленне атрадаў дало магчымасць дзецям паказаць сваю індывідуальнасць, творчасць і згуртаванасць.

     Дзеці таксама засвоілі правілы бяспечных паводзінаў у лагеры.

     У завяршэнні дня была праведзена лінейка, падчас якой падвялі вынікі.

   Наперадзе ў дзяцей - насычаная змена, напоўненая яркімі падзеямі, карыснымі майстар-класамі, спартыўнымі спаборніцтвамі, інтэлектуальнымі гульнямі, экскурсіямі, творчымі праектамі і, вядома, новымі сябрамі.

    Наш лагер - гэта не толькі адпачынак, але і магчымасць раскрыць свае таленты, развіць лідэрскія якасці, навучыцца працаваць у камандзе і проста весела і з карысцю правесці летнія дні.

Няхай гэта лета стане для кожнага дзіцяці часам незабыўных адкрыццяў, моцнага сяброўства, цікавых знаёмстваў і яркіх уражанняў!