Дзень народнага адзінства

      17 верасня 2024 года ў Рэспубліцы Беларусь адзначаецца дзяржаўнае свята – Дзень народнага адзінства. Яно заснавана Указам Прэзідэнта Рэспублікі Беларусь ад 7 чэрвеня 2021 г. № 206 і адзначаецца штогод.

     Ва  ўстанове адукацыі ”Карабоўская сярэдняяя школа Глыбоцкага раёна імя Р.І.Мацеюна“ прайшла святочная лінейка, прымеркаваная да гэтай знамянальнай даты. Звяртаючыся да навучэнцаў, дырэктар школы А.Э. Стахоўская  адзначыла, што ў нас  усіх ёсць самае галоўнае  – мірная, стабільная, прыгожая і незалежная краіна, што  адна з задач грамадзян нашай краіны - берагчы і абараняць багацці Радзімы, імкнуцца да іх прымнажэння, ведаць і вывучаць гісторыю Беларусі, захоўваць  традыцыі нашага працавітага народа, захоўваць спадчыну праслаўленых беларусаў, вучыцца на яркіх біяграфіях нашых сучаснікаў.  

     Выступаючы перад навучэнцамі, кіраўнік па ваенна- патрыятычным выхаванні А.С.Аляхновіч адзначыў, што сёння беларускі народ адзіны ў выбары стратэгічнага курсу на развіццё моцнай, суверэннай і квітнеючай краіны, што кожны павінен ганарыцца дасягненнямі краіны і ўносіць свой ўклад у яе далейшае развіццё і росквіт нашай роднай Беларусі.

      Мерапрыемства стала сапраўдным урокам грамадзянскаці і патрыятызму.  Навучэнцы адзначылі, што іх добрыя намеры і справы павінны спрыяць росквіту роднай Беларусі.