Капелькой добра согреем душу

      Дзень пажылога чалавека-гэта добрае і светлае свята, калі мы акружаем асаблівай увагай нашых бабуль і дзядуль. Да гэтага свята дзеці рыхтаваліся загадзя: рабілі віншавальныя паштоўкі, вучылі вершы. Актывісты бібліятэкі сумесна з бібліятэкарам арганізавалі акцыю для людзей старэйшага пакалення «Капелькой добра согреем душу». У рамках акцыі ў знак глыбокай павагі да людзей старэйшага пакалення дзеці з задавальненнем падрыхтавалі паштоўкі-сімвал акцыі, з пажаданнямі моцнага здароўя, дабрабыту і ўдачы. Падрыхтаваўшы паштоўкі, дзеці выйшлі на вуліцы нашага аграгарадка і віншавалі ўсіх людзей сталага ўзросту. Дзеці бачылі і ўсмешкі, і слёзы радасці на вачах пажылых людзей, якія пацвердзілі ідэю дзіцячага жадання - даставіць людзям радасць. З вялікай радасцю і хваляваннем дзеці чыталі вершы. Сустрэча дзяцей з пенсіянерамі праходзіла ў цёплай, сяброўскай атмасферы. Юныя чытачы павіншавалі пажылых людзей са святам, радарылі кветкі. Усе атрымалі масу станоўчых эмоцый, забыўшыся прп праблемы і адпачыўшы душой. Гэта акцыя - толькі малая доля падзякі старэйшаму пакаленню, якая аб’ядноўвае дзесяцігоддзі гісторыі ў адзін бесперапынны ланцуг, за іх самаадданую працу і мудрасць.