Дзень самакіравання 2025

     3 кастрычніка з раніцы ва ўстанове адукацыі панавала святочная атмасфера і ўсмешкі. Напярэдадні Дня настаўніка ў школе прайшоў дзень самакіравання. Дзень пачаўся з урачыстай лінейкі. Новы дырэктар Шурпік Аляксей ад органаў школьнага самакіравання павіншаваў усіх з Днем настаўніка і прадставіў вучням “новае кіраўніцтва “ і настаўнікаў-дублёраў. Завяршылася ўрачыстая лінейка музычным віншаваннем. На працягу дня навучэнцы 9-11 класаў пабывалі ў ролі сваіх настаўнікаў. ”Новае кіраўніцтва“ працавала не пакладаючы рук. Дырэктар і яго памочнікі – завучы стараліся вырашаць усе праблемы хутка і эфектыўна. Менавіта яны захоўвалі парадак у роднай школе на ўроках і перапынках. Дзень самакіравання запомніўся настаўнікам і вучням як адзін з самых яркіх, святочных і ў той жа час самых адказных дзён школьнага жыцця.