За вакном сцюжа, а ў нас — Каляда!

Ой, калядачкі-калядкі!
Дружна плешчам мы ў ладкі.
З песняй па сялу ідзём,
Зорку-сонейка нясём.
     На пачатку трэцяй чвэрці, у час каляднага тыдня, у школе прайшло святочнае калядаванне. Удзельнікі фальклорнага гуртка ”Спадчына“, апранутыя ў касцюмы, спявалі, жадалі здароўя, дабрабыту і багатага ўраджаю. За кожную каляду ”гаспадары“ аддзячылі пачастункамі. Дзеці вадзілі карагоды, гулялі ў народныя гульні. Свята стала не проста вясёлым мерапрыемствам, а сапраўдным урокам этнаграфіі: школьнікі даведаліся аб славянскіх звычаях, адчулі дух калектыўнага свята, дзе кожны — частка агульнай традыцыі.