Вучні і педагогі нашай установы адукацыі з павагай адносяцца да традыцый школы. Сярод гэтых традыцый ёсць і такія, што захоўваюцца амаль што ад пачатку заснавання Карабоўскай сярэдняй школы, а ёсць і даволі маладыя. Адна з іх – Фестываль беларускай песні “Зорка Венера”. У гэтым годзе фестывалю споўнілася яшчэ толькі тры гады, аднак, дзякуючы гэтаму мерапрыемству, мы знайшлі новыя таленты, упэўніліся, што прыгажэйшай мовы, як беларуская, у свеце няма. Узровень правядзення фестывалю  з кожным годам павышаецца. Аб гэтым сведчыць тое, што вучні стараюцца выбраць для выканання новыя, амаль “не раскручаныя” беларускія творы, спецыяльна для фестывалю рыхтуюць сцэнічныя касцюмы, стараюцца, каб музычныя нумары былі яркімі, запамінальнымі.

Сёлета ў фестывалі прынялі ўдзел вучні 1-7, 10 і 11 класаў. У малодшым звяне пераможцамі сталі вучні 3 класа, у сярэднім – вучні 6 класа, у старэйшым – вучні 11 класа. Таксама адзначана дыпломам Барыла Паліна, вучаніца 10 класа, за выкананне вакальнага нумара “Васількі”.

Праз год IV фестываль беларускай песні “Зорка Венера” зноў пакліча сваіх сяброў.