4 мая вучні, настаўнікі гісторыі  з Карабоўскай, Азярэцкай і Удзелаўскай устаноў адукацыі прынялі ўдзел у ІХ міжнароднай маладзёжнай навукова-практычнай канферэнцыі  “Вялікая Айчынная вайна 1941-1945 гадоў у гістарычнай памяці народа", якая адбылася  ў гімназіі №174 г. Мінска. З розных рэспублік: Расійскай Федэрацыі, Украіны, Казахстана, а таксама з усіх рэгіёнаў Беларусі  ўдзельнікі падзяліліся сваімі ведамі пра падзеі і факты часоў Вялікай Айчыннай вайны.

    Педагогі прынялі ўдзел у працы круглага стала на дадзеную  тэму. Слухалі супрацоўнікаў Нацыянальнай акадэміі навук Беларусі, Беларускага дзяржаўнага педагагічнага ўніверсітэта імя Максіма Танка, настаўнікаў і студэнтаў.

    Было вельмі цікава: даклады чыталіся па тэмах, якія адносіліся да 10 рабочых секцый. Удзельнікі з нашага раёна выступалі ў секцыях: антыфашысцкае супраціўленне на акупіраваных тэрыторыях, партызанскі рух і падпольная барацьба, акупацыйны рэжым, палітыка генацыда і калабарацыянізм, мемарыяльная дзейнасць па ўвекавечванні подзвігу савецкага народа ў Вялікай Айчыннай вайне. Усе дакладчыкі атрымалі сертыфікаты.

І мы вельмі рады за вучня Азярэцкай школы Крывёнка Аляксея, які атрымаў дыплом ІІ-й ступені.