Юныя артысты ў дзіцячым садку

У вучняў 4 класа  ўжо стала добрай традыцыяй перад Новым годам хадзіць у госці да выхаванцаў дзіцячага садка. А ідуць  дзеці не з пустымі рукамі, але з песнямі, загадкамі і нават невялікімі спектаклямі. Нясуць і падаруначкі, зробленыя сваімі рукамі.

Сёлетні год не выключэнне. Па легендзе, пачаткоўцаў паслаў у дзіцячы садок Снегавічок. Ён папрасіў растлумачыць дзецям, дзе падзелася зіма са снегам і марозамі, і развесяліць. Спачатку дзецям загадалі загадкі, уручылі ялінкі, змайстраваныя з сасновых шышак, і падарунак ад Снегавіка – маленькіх  снегавічкоў, якіх павінны былі потым  скласці самі выхаванцы.

Пасля юныя тэатралы прэзентавалі міні-спектаклі са школьнага жыцця і расказвалі шасцігодкам пра школу. Напрыканцы – фота – на памяць.

Так проста падарыць дзецям добры настрой і заахвоціць  яшчэ не зусім зразумелым школьным жыццём! Толькі трэба жаданне і крышку творчага натхнення.

Да пабачэння, садок! Чакаем вас, дзеці, у першым класе!