Навагоднія клопаты, ці як  ратавалі Дзеда Мароза і Снягурачку

Закружыў карагодамі Новы год, у кожнай школе на ранішніку чакалі галоўных гасцей, без якіх не адбываюцца навагоднія цуды,―Дзеда Мароза і Снягурачку.

Нават Зіма злітавалася і 28 снежня прыбрала наваколле ў бель, засыпала сцежкі і дарожкі. Пачаўся ранішнік. Дзеці прыгатавалі чароўны настой і папрасілі, каб на свята з’явілася Снягурачка. Але што тут  пачалося!..

Замест доўгачаканай госці аднекуль узялася Баба Яга і заявіла, што гэта яна Снягурачка. Потым жа пызналася, што сапраўдную Снягурку і Дзеда Мароза захапілі прышэльцы з сістэмы Альфа.

Ды нашых дзяцей не запалохаеш. Пачаткоўцы запрасілі да  сябе іншапланетных гасцей, спявалі для іх песні, таньчылі, гулялі ў цікавыя гульні  і нават паказвалі фокусы. Прышэльцаў кранула гасціннасць дзетак, і яны даставілі на свята Дзеда Мароза і Снягурку.

Агні навагодняй ялінкі загарэліся, Дзед Мароз раздаў дзеткам падарункі і пазнаёміў іх і гасцей з новым 2017 годам.

Свята адбылося! З Новым годам, сябры!

    Хай гэты год шчаслівым стане,

    Усе мары спраўдзіць і жаданні.

    Здароўя, міру, дабрыні!

    Галінку елачкі крані

    І з чыстым сэрцам – у Новы год!

    Няхай жа кружыць карагод!..