У нашай установе адукацыі заўсёды рады выпускнікам. Асаблівыя пачуцці перапаўняюць і настаўнікаў, і вучняў тады, калі яны бачаць такіх выпускнікоў, як Хоміч Аляксандр, які на дадзены момант з’яўляецца курсантам Ваеннай акадэміі Рэспублікі Беларусь. Аляксандр вучыцца ў акадэміі ўжо трэці год. Пры сустрэчы з будучымі выпускнікамі школы Саша паведаміў пра сваю ўстанову адукацыі, расказаў у якіх умовах жывуць курсанты, як цікава там вучыцца. Спадзяёмся, што пасля гэтай сустрэчы  ў многіх хлопцаў нашай школы заб’ецца хутчэй сэрца і нехта задумаецца аб магчымасці звязаць сваю будучыню з вайсковай справай.