З 24 па 28  лістапада ў школе прайшоў

Тыдзень беларускай мовы і літаратуры.

Сто гадоў шукай другой красы,

А тым больш, што свет зусім не вузкі.

Ды калі ты не бязродны сын,

Гавары са мной па-беларуску.

                          Яўгенія Янішчыц

     Якая прыгожая, мілагучная, мяккая і ў той жа час яскравая, звонкая, моцная, поўная наша мова. На кожны выпадак знойдзецца ў ёй і патрэбнае слова, і трапны фразеалагізм. На гэтай мове размаўлялі нашы дзяды і прадзеды, за яе змагаліся нашы продкі. Толькі гэтую мову мы можам назваць роднай, бо гэта мова нашай зямлі, нашых рэк, азёраў і лясоў. Але зараз беларуская мова пакрыху забываецца, “губляюцца” асабістыя словы, усё радзей чуеш яе на вуліцах…

       І, каб прывіць вучням цікавасць і любоў да роднай мовы, у нашай школе прайшоў тыдзень беларускай мовы і літаратуры.

25  лістапада - конкурс “ФЭСТ” ( фальклор, этнаграфія,спадчына, традыцыі) паміж камандамі вучняў 5-6  класаў. У гульні прапанаваны  чатыры тэмы. Вучням вельмі   спадабаўся конкурс. Асаблівую ўвагу  вучні ўдзялілі  фальклору.

26  лістапада праводзілася інтэлектуальна-пазнавальная гульня “ СЛАБАЕ  ЗВЯНО”  паміж вучнямі 7-8 класаў. Былі прапанаваны пытанні на розныя тэмы, звязаныя з вывучэннем роднай мовы і літаратуры,этнаграфіі, культуры, навукі і прыроды Беларусі. Пераможцам  гульні  стаў вучань 8 класа Нефядовіч Аляксандр.

27  лістапада  падарожжа-віктарына  “ЖЫВОЕ Ў ВЯКАХ БЕЛАРУСКАЕ  СЛОВА” . Зборныя каманды вучняў 9 – 11  класаў паказалі свае веды ў віктарыне па гісторыі развіцця роднай мовы.

Завяршыўся тыдзень 28  лістапада “Вячоркамі”. Дзеці   чыталі вершы, спявалі, танцавалі, адгадвалі загадкі, прыказкі. На свята завіталі і купалаўскія героі Пранцысь і Агата, якія  весялілі гасцей дасціпнымі жартамі.