Яечка велікоднае з горачкі пакатаць – на  будучае паваражыць.

         Вялікдзень! Гэтае свята чакаюць як дарослыя, так і дзеці. Але, каб добра падрыхтавацца, трэба шмат чаго ведаць і ўмець.

7 красавіка вучні пачатковых класаў школы з задавальненнем слухалі цікавыя гісторыі цёткі Ганны  ды іншых гасцей пра  святкаванне Вялікадня. Дзеці даведаліся, чаму яечка чырвонае, чаму вернікі прамаўляюць: “Хрыстос уваскрос!” і адказваюць: “Сапраўды, уваскрос!”, хто такія валачобнікі, як выглядае вербачка.  

З цікавасцю ўдзельнічалі ў гульнях ”Каціся, яечка!” і “Біткі”.

Самае важнае тое, што пачаткоўцы далучыліся да хрысціянскіх традыцый продкаў. Праз прагляд прэзентацыі даведаліся, як можна пафарбаваць яйкі, як іх можна ўпрыгожыць.

 Вельмі радасна, што дзеці з непадманлівай увагай слухалі расповяды і з захапленнем удзельнічалі ў гульнях. Іх шчаслівыя ўсмешкі і шчырае “дзякуй” – найкаштоўнейшы падарунак  для арганізатараў мерапрыемства.